Hjálparstarf kirkjunnar er í september næstkomandi að fara af stað með námskeiðið Stattu með sjálfri þér – Virkni til farsældar. Um tveggja ára námskeið er að ræða og er þetta í fimmta sinn sem Hjálparstarfið bíður fram þennan möguleika en námskeiðið er ætlað konum á örorku sem eru með börn á framfæri. Þátttaka miðast við u.þ.b. 15 konur.
Kynningarfundur um verkefnið verður í dag þriðjudaginn 27. ágúst kl. 13:00 í safnaðarheimili Grensáskirkju.
Á kynningarfundinn munu til dæmis þátttakendur úr fyrrum námskeiðum koma og segja frá sinni reynslu af því að taka þátt.
Unnið er á einstaklingsmiðaðan hátt í gegnum viðtöl, fræðslu, hópavinnu og út frá markmiðum hvers og eins, áhugasviðum og styrkleikum.
Félagsráðgjafar Hjálparstarfsins verða þátttakendum innan handar, hjálpa þeim að setja sér markmið, koma auga á lausnir og veita stuðning við úrlausn mála.
Markmið námskeiðsins er þríþætt:
- Að bæta sjálfsmynd og trú á eigin getu
- Að efla félagslegt tengslanet og koma í veg fyrir félagslega einangrun
- Að eflast í foreldrahlutverkinu
Ef nánari upplýsinga er óskað er velkomið að hafa samband við okkur á skrifstofu Hjálparstarfsins í síma 528-4400. Við tökum glaðar á móti fyrirspurnum og umræðum um námskeiðið. Við munum hafa samband áður en kynningarfundur er haldinn en það skal tekið fram að engin skuldbinding fylgir því að mæta á kynningarfundinn.
Hlökkum til að sjá ykkur!